വിമാനത്തിന് സാങ്കേതിക തകരാര് സംഭവിക്കുന്നതും തിരിച്ചിറക്കിയതുമായ വാര്ത്തകള് നാം കേട്ടിട്ടുണ്ട്. എന്നാല് 10,000 അടി ഉയരത്തില് പറക്കുന്നതിനിടെ എന്ജിന് കവര് തകര്ന്ന വാര്ത്തയാണ് ഇപ്പോള് വൈറലാകുന്നത്.
അപകടത്തില്പ്പെട്ട വിമാനത്തില് നിന്നും യാത്രക്കാരടക്കം രക്ഷപ്പെട്ടത് തലനാരിഴയ്ക്കാണ്. ഡെന്വറില് നിന്നും ഒര്ലാന്ഡോയിലേക്കുള്ള യാത്രക്കിടെയാണ് സംഭവം. യുണൈറ്റഡ് എയര്ലൈന്സിന്റെ ബോയിംഗ് 737-800 വിമാനമാണ് അപകടത്തില്പ്പെട്ടത്. രാവിലെ 8 മണിക്ക് പുറപ്പെട്ട വിമാനം പറന്നുയര്ന്ന് അല്പ്പസമയത്തിനുള്ളില് തന്നെ വിമാനത്തിന്റെ എഞ്ചിന് കവര് തകര്ന്നത് പൈലറ്റിന്റെ ശ്രദ്ധയില് പെടുകയായിരുന്നു.
പൈലറ്റിന്റെ സമയോജിതമായ ഇടപെടലാണ് യാത്രക്കാരുടെ ജീവന് രക്ഷിച്ചത്. എഞ്ചിന് കവര് തകര്ന്ന കാര്യം ശ്രദ്ധയില്പ്പെട്ട ഉടനെ തന്നെ പൈലറ്റ് വിമാനം അടിയന്തരമായി തിരിച്ചിറക്കുകയായിരുന്നു.
https://twitter.com/FlightModeblog/status/1178433641443155970?ref_src=twsrc%5Etfw%7Ctwcamp%5Etweetembed%7Ctwterm%5E1178433641443155970&ref_url=https%3A%2F%2Fwww.asianetnews.com%2Finternational-news%2Fairplane-engine-cover-collapsed-video-viral-pyqq8q
Discussion about this post