സൈക്കിൾ സ്റ്റണ്ട് പ്രമേയമാക്കി ഇന്ത്യയിൽ ആദ്യമായി ഒരുങ്ങുന്ന ചിത്രം ആണ് നോൺസെൻസ്. റിനോഷ് ജോർജ് ആണ് ചിത്രത്തിൽ നായകനായി എത്തുന്നത്. ചിത്രത്തിന്റെ രണ്ടാമത്തെ ട്രൈലെർ ഇപ്പോൾ പുറത്തു ഇറങ്ങിയിരിക്കുകയാണ്. നവാഗതരെ പ്രധാനകഥാപാത്രങ്ങളാക്കി ഒരുക്കുന്ന ചിത്രം സംവിധാനം ചെയ്യുന്നത് എം.സി ജിതിൻ ആണ്.
അതിസാഹസികമായ സൈക്കിൾ സ്റ്റണ്ട് ആണ് ചിത്രത്തിന്റെ ഏറ്റവും വലിയ പ്രത്യേകത. ട്രെയിലറിലും സൈക്കിൾ സ്റ്റണ്ട് ഉൾകൊള്ളിച്ചിട്ടുണ്ട്. റിനോഷ് ജോർജ് പ്രശസ്തൻ ആയത് ഐ ആം എ മല്ലു എന്ന മ്യൂസിക് വീഡിയോയിലൂടെ ആണ്. റിനോഷ് അഭിനയിക്കുന്ന ആദ്യ ചിത്രവും ആണിത്. ദിസ് ഈസ് ബംഗളൂരു, ബ്രേക്ക് ഫ്രീ തുടങ്ങിയ റിനോഷ് ആല്‍ബങ്ങളും ശ്രദ്ധ നേടിയിരുന്നു.
പുതുമുഖങ്ങൾക്ക് പുറമെ കലാഭവൻ ഷാജോണ്‍, ശ്രുതി രാമചന്ദ്രന്‍, വിനയ് ഫോര്‍ട്ട്, ഫേബിയ മാത്യു,ശാന്തകുമാരി, അനില്‍ നെടുമങ്ങാട് തുടങ്ങിയവരും ചിത്രത്തിൽ പ്രധാനവേഷത്തിൽ എത്തുന്നു. മുഹമ്മദ് ഷെഫീഖ്, ലിബിൻ, ജിതിൻ എന്നിവർ ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ജോണി സാഗരികയാണ് ചിത്രം നിര്‍മിക്കുന്നത്. ചിത്രം ഒക്ടോബർ 12ന് തീയറ്ററുകളിൽ എത്തും.
Discussion about this post