മലയാളത്തിലെ ഏറ്റവും വലിയ ഹിറ്റുകൾ നൽകിയ കൂട്ടുകെട്ടുകളിൽ ഒന്നാണ് മോഹൻലാൽ രഞ്ജിത്ത് എന്നിവർ. ഇപ്പോൾ രഞ്ജിത്ത് വീണ്ടും മോഹൻലാലിനെ നായകനാക്കി ചിത്രം ഒരുക്കിയിരിക്കുകയാണ്. ഡ്രാമ എന്ന പേരിട്ട ചിത്രത്തിന്റെ ടീസറും ഗാനവും എല്ലാം ഇതിനോടകം തന്നെ വൈറൽ ആയി മാറി. ഏറെ നാളത്തെ ഇടവേളക്ക് ശേഷം മോഹൻലാൽ ഒരു കോമഡി റോളിൽ എത്തുന്ന ചിത്രവുമായത്.
ഇപ്പോൾ നാളെ ഇറങ്ങുന്ന ചിത്രത്തിന് പ്രേക്ഷക പിന്തുണ തേടി എത്തിയിരിക്കുകയാണ് മോഹൻലാൽ. ഫേസ്ബുക്ക് ലൈവ് വഴിയാണ് അദ്ദേഹം പിന്തുണ തേടിയത്. പടം നാളെ റിലീസ് ആണെന്നും കൂടെ നിന്നേക്കണം എന്നുമാണ് അദ്ദേഹം വിഡിയോയിൽ പറയുന്നത്.
https://www.facebook.com/ActorMohanlal/videos/753844101624887/
പ്രളയം കാരണമാണ് ചിത്രത്തിന്റെ റിലീസ് മാറ്റി വച്ചത്. പുറത്തു വന്ന പോസ്റ്ററുകൾ എല്ലാം ചിത്രത്തിൽ ഉള്ള പ്രതീക്ഷ വർധിപ്പിക്കുന്നു. ചിത്രത്തിൽ മോഹൻലാൽ ആലപിച്ച ഒരു പ്രോമോ ഗാനവും നേരത്തെ പുറത്തു വന്നിരുന്നു.പണ്ടാരാണ്ട് എന്ന ഗാനം ഇരു കൈയും നീട്ടിയാണ് സിനിമാപ്രേമികള്‍ സ്വീകരിച്ചത്.
പിരിമുറുക്കം ഒന്നുമില്ലാതെ ആസ്വദിക്കാന്‍ കഴിയുന്ന ഒരു സിനിമയാണ് ഇത് രഞ്ജിത് പറഞ്ഞു. ആശാ ശരത്, ടിനി ടോം, ബൈജു, ദിലീഷ് പോത്തന്‍, ശ്യാമ പ്രസാദ്, അരുന്ധതി നാഗ്, ജോണി ആന്റണി തുടങ്ങി ഒരു വലിയ താര നിര തന്നെ ഈ ചിത്രത്തില്‍ അണിനിരക്കുന്നുണ്ട്. രഞ്ജിത്ത് തന്നെ ആണ് തിരക്കഥ എഴുതുന്നത്.
Discussion about this post