മോഹൻലാൽ രഞ്ജിത്ത് കൂട്ടുകെട്ടിൽ ഒരുങ്ങുന്ന ഡ്രാമയുടെ രസകരമായ രണ്ടാമത്തെ ടീസർ പുറത്തിറങ്ങി. മോഹൻലാലിനെ നായകനാക്കി ലോഹം എന്ന ചിത്രത്തിന് ശേഷം രഞ്ജിത്ത് ഒരുക്കുന്ന ചിത്രം ആണിത്. ചിത്രീകരണം പൂർത്തിയായ സിനിമ റിലീസിന് ഒരുങ്ങുകയാണ്. പ്രളയം കാരണമാണ് ചിത്രത്തിന്റെ റിലീസ് മാറ്റി വച്ചത്. പുറത്തു വന്ന പോസ്റ്ററുകൾ എല്ലാം ചിത്രത്തിൽ ഉള്ള പ്രതീക്ഷ വർധിപ്പിക്കുന്നു. ചിത്രത്തിൽ മോഹൻലാൽ ആലപിച്ച ഒരു പ്രോമോ ഗാനവും നേരത്തെ പുറത്തു വന്നിരുന്നു.പണ്ടാരാണ്ട് എന്ന ഗാനം ഇരു കൈയും നീട്ടിയാണ് സിനിമാപ്രേമികള്‍ സ്വീകരിച്ചത്. രസകരമായ ഒരു ചിത്രമായിരിക്കും ഇതെന്ന് സൂചന നൽകുന്ന ഒന്നാണ് ടീസർ.
ലിയ പിരിമുറുക്കം ഒന്നുമില്ലാതെ ആസ്വദിക്കാന്‍ കഴിയുന്ന ഒരു സിനിമയാണ് ഇത് രഞ്ജിത് പറഞ്ഞു. ആശാ ശരത്, ടിനി ടോം, ബൈജു, ദിലീഷ് പോത്തന്‍, ശ്യാമ പ്രസാദ്, അരുന്ധതി നാഗ്, ജോണി ആന്റണി തുടങ്ങി ഒരു വലിയ താര നിര തന്നെ ഈ ചിത്രത്തില്‍ അണിനിരക്കുന്നുണ്ട്. രഞ്ജിത്ത് തന്നെ ആണ് തിരക്കഥ എഴുതുന്നത്.
Discussion about this post