ഒട്ടാവ: ‘സ്‌പോട്ടെഡ് ലേക്ക്’ സഞ്ചാരികൾക്ക് കൗതുകത്തിന്റെ ഒരു നിറക്കാഴ്ചയാണ് നൽകുന്നത്. കാനഡയിലെ ബ്രിട്ടീഷ് കൊളംബിയയില്‍ ഈ തടക്കമുള്ളത്. തടാകത്തിന് എന്താ ഇത്ര പ്രത്യേകത എന്ന് ചോദിക്കാന്‍ വരട്ടെ.
വസന്ത കാലത്തും ശൈത്യ കാലത്തും ഈ തടാകത്തിന് പറയത്തക്ക പ്രത്യേകതകളൊന്നും തന്നെയില്ല. എന്നാല്‍ വേനല്‍ക്കാലമാകുമ്ബോള്‍ കഥ മാറും. വേനല്‍ കടുക്കുന്നതോടെ തടാകത്തിലെ വെള്ളം ബാഷ്പീകരിക്കാന്‍ തുടങ്ങും. ഇങ്ങനെ തടാകത്തിലെ ജലത്തിന്റെ അളവ് കുറഞ്ഞ് അവിടവിടെയായി ചില കുഴികള്‍ മാത്രം അവശേഷിക്കും. ഈ കുഴികളെല്ലാം തന്നെ പല നിറത്തിനുള്ളവയായിരിക്കും. ഈ സമയത്ത് തടാകം ശരിക്കും പോള്‍ക്കാ ഡോട്സ് പതിച്ച ഒരു തുണി കഷണത്തെ ഓര്‍മ്മിപ്പിക്കും.
ഉയര്‍ന്ന അളവിലുള്ള മിനറലുകളുടെ സാനിദ്ധ്യമാണ് തടാകത്തിന് ഈ നിറഭേദങ്ങള്‍ സമ്മാനിക്കുന്നത്. സമീപത്തെ കുന്നുകളില്‍ നിന്നും ഒഴുകി വരുന്ന കാത്സ്യം, മഗ്നീഷ്യം, സള്‍ഫേറ്റ് തുടങ്ങിയ മിനറലുകള്‍ തടാകത്തില്‍ സംഭരിക്കപ്പെടുന്നു. ഇവയുടെ അളവിലെ വ്യതിയാനം നിറഭേദങ്ങള്‍ക്ക് കാരണമാകുന്നു. പ്രദേശവാസികള്‍ തടകാത്തിനെ ഒരു പുണ്യസ്ഥലമായാണ് കണക്കാക്കുന്നത്. ഓരോ നിറത്തിലുള്ള കുഴികള്‍ക്കും ഓരോ ഔഷധ ഗുണമുണ്ടെന്നാണ് അവരുടെ വിശ്വാസം. വേനല്‍ക്കാലത്ത് തടാകം സന്ദര്‍ശിക്കുന്നതിനും ചിത്രങ്ങള്‍ പകര്‍ത്തുന്നതിനുമായി വന്‍ തിരക്കാണ് അനുഭവപ്പെടുന്നത്
Discussion about this post