ഫിലിപ്പിന്‍സിനും ജപ്പാനും ചൈനയ്ക്കുമിടയിലായി സൗത്ത് ചൈനാ ഈസ്റ്റ് ചൈനാ കടലിലാണ് തായ്‌വാന്‍ സ്ഥിതി ചെയ്യുന്നത്. പ്രകൃതിയുടെ വൈവിധ്യമാണ് രാജ്യത്തിന്റെ ഏറ്റവും വലിയ പ്രത്യേകതകളില്‍ ഒന്ന്. വ്യത്യസ്ത മതങ്ങള്‍ക്ക് ഒരേ പോലെ സ്വാതന്ത്ര്യം നല്‍കുന്ന് മനോഹരമായ തായ്‌വാന്‍.
ഇവിടുത്തെ ഏറ്റവും മനോഹരമായ പ്രദേശമാണ് തായ്ച്ചുങ്.തായ്വാന്റെ തലസ്ഥാനമായ തായ്പേയില്‍ നിന്നും 180 കിലോമീറ്റര്‍ ദൂരം സഞ്ചരിച്ചാല്‍
ഇവിടെയെത്താം. തായ്വാന്റെ സംസ്‌കാരിക തലസ്ഥാനം കൂടിയായ തായ്ച്ചുങ് കാണാന്‍ 75 ലക്ഷം സഞ്ചാരികളാണ് വര്‍ഷാവര്‍ഷം ഇവിടെയെത്തുന്നത്.
ഏഷ്യയിലെ തന്നെ ഏറ്റവും വലിയ ഫൈന്‍ ആര്‍ട്‌സ് മ്യൂസിയമുള്ളത് തായ്വാനിലാണ്. തായ്ച്ചുങ് മലനിരകളില്‍ നിന്നിറങ്ങി വരുന്ന തണുത്തകാറ്റ് പുതച്ച മ്യൂസിയത്തിന്റെ പുറ്റുപാട് വളരെ പ്രകൃതി രമണീയമാണ്. മ്യൂസിയത്തിലുള്ള ഷോക്കേസ് പെയ്ന്റിങ്ങുകള്‍, അപൂര്‍വ്വ ശില്‍പ്പങ്ങള്‍, തായ്വാനീസ് കലാസൃഷ്ടികളുടെ അത്ഭുതങ്ങള്‍ എന്നിവ സഞ്ചാരികളെ ഏറെ ആകര്‍ഷിക്കുന്നവയാണ്.
ഒക്ടോബര്‍ മാസത്തിലെ ജാസ് ഫെസ്റ്റിവല്‍, റെയ്ബോ വില്ലേജ് എന്നിവ തായ്ച്ചുങിന്റെ അത്ഭുത കാഴ്ച്ചകളാണ്. 23 ഡിഗ്രി സെല്‍ഷ്യസാണ് തായ്ച്ചുങ്ങിലെ ശരാശരി താപനില. തായ്വാന്റെ അടുത്ത വിനോദ കേന്ദ്രമാണ് ഗോമി ചതുപ്പ്. തായ്ച്ചുങ് നഗരത്തില്‍ നിന്ന് ഒരു മണിക്കൂര്‍ യാത്ര ചെയ്താല്‍ ഇവിടെയെത്താം. ഫോട്ടോഗ്രാഫര്‍മാരുടെ പറുദീസയായ ടാജിയ നദി ഇവിടെയാണുള്ളത്.
രാത്രിയില്‍ ഒരു നടത്തം ആവശ്യമെ്ന്നു തോന്നിയാല്‍ തായ്ച്ചുങിന്റെ ഓപ്പണ്‍ എയര്‍മാര്‍ക്കറ്റിലേയ്ക്ക് പോകാം. ലോകത്തെ ഒരു സഞ്ചാരിക്കും മറക്കാത്തൊരു അനുഭവമാണ് ഇത് സമ്മാനിക്കുക. ഫുഡ് കോര്‍ട്ടുകളാണ് ഇവിടുത്തെ പ്രധാന ആഘര്‍ഷണം.
ന്യൂഡില്‍സ്, ഡക്ക് കോട്ടണ്‍ കാന്‍ഡിയുടെ എന്നിവയുടെ രുചി ഒരിക്കല്‍ നുണഞ്ഞാല്‍ മറക്കാനേ കഴിയില്ല.
Discussion about this post