വിജയ് സേതുപതി തൃഷ എന്നിവർ ഒരുമിച്ചെത്തിയ പ്രണയ ചിത്രം ആണ് 96. ഛയാഗ്രഹകനായ സി പ്രേംകുമാർ സംവിധാനം ചെയ്ത സിനിമ എല്ലാവരെയും അവരുടെ സ്കൂൾ കാലത്തേക്ക് കൂട്ടികൊണ്ട് പോകുന്നു എന്നാണ് പറയുന്നത്. സാധാരണ പ്രേക്ഷകരില്‍ നിന്നും നിരൂപകരില്‍ നിന്നും ഒരുപോലെ നല്ല അഭിപ്രായങ്ങളാണ് ഉയരുന്നത്. ചിത്രത്തെ ഇത്രയും മികച്ചതാക്കാൻ മലയാളിയും തൈക്കുടം ബ്രിഡ്ജ് അംഗവുമായ ഗോവിഡ് വസന്ത ഒരുക്കിയ ഗാനങ്ങളും ഒരു മുഖ്യ പങ്ക് വഹിച്ചിരുന്നു. ചിത്രത്തിലെ കാതലേ കാതലേ എന്ന ഗാനം ഇറങ്ങുന്നതിനു മുൻപ്പ് തന്നെ ഹിറ്റ് ആയിരുന്നു. ഇപ്പോൾ ചിത്രത്തിലെ ടൈറ്റിൽ സോങ് ആയ ലൈഫ് ഓഫ് റാം പുറത്തിറക്കിയിരിക്കുകയാണ്.
2 ദിവസം മുൻപ് ഇറങ്ങിയ വീഡിയോ ഗാനം യൂട്യൂബിൽ തരംഗം സൃഷ്ടിക്കുകയാണ്. പ്രദീപ് കുമാർ ആണ് ഗാനം ആലപിച്ചിരിക്കുന്നത് . സ്‌കൂളില്‍ നിന്നുണ്ടായ ആദ്യ പ്രണയം നഷ്ടമായ ഇരുവരും ആഗ്രഹിച്ചിട്ടും ചില സാഹചര്യങ്ങള്‍ മൂലം പിന്നീട് കാണാനാകാത്തതും 22 വര്‍ഷങ്ങള്‍ക്ക് ശേഷം കണ്ടുമുട്ടുന്നതുമാണ് ചിത്രത്തിന്റെ പ്രമേയം. വിജയ് സേതുപതിയുടെയും ത്രിഷയുടെയും പ്രകടനത്തിനൊപ്പം തന്നെ മിന്നുന്ന പ്രകടനമാണ് ഇവരുടെ കൗമാരകാലം അവതരിപ്പിച്ച താരങ്ങളും കാഴ്ചവെച്ചത്.
Discussion about this post