ശ്രീലങ്ക: പട്ടിണി കിടന്ന് മൃതപ്രായയായ ആനയെ അലങ്കരിച്ച് ഉത്സവത്തിനിറക്കി. ശ്രീലങ്കയിലെ കാന്ഡിയില് ദളദ മാലിഗാവ ബുദ്ധക്ഷേത്രത്തില് നടന്ന എസല പെരഹേര ആഘോഷത്തിനിടയിലാണ് പ്രത്യേക വേഷവിതാനങ്ങളില് മൃതപ്രായയായ ആനയെ പ്രദക്ഷിണത്തിനെത്തിച്ചതായി അന്തര്ദേശീയ മാധ്യമങ്ങള് റിപ്പോര്ട്ട് ചെയ്തിരിക്കുന്നത്.
തിക്കിരി എന്ന എഴുപത് വയസ് പ്രായമായ ആനയെ കിലോമീറ്ററുകള് നടത്തിച്ചുവെന്നും സേവ് എലിഫന്റ് ഫൗണ്ടേഷന് ഭാരവാഹികള് പറഞ്ഞു. എസല പെരഹേരയുമായി ബന്ധപ്പെട്ട് നടത്തുന്ന പ്രദക്ഷിണത്തില് 60 ആനകളെയാണ് ഉള്പ്പെടുത്തുന്നത്. കഠിന ശബ്ദങ്ങളുടെ ഇടയിലൂടെ നടക്കേണ്ടി വരുന്ന ഇത്തരം ആനകളുടെ കണ്ണീര് ഇവിടെ ആരും കാണുന്നില്ലെന്നും സേവ് എലിഫന്റ് ഫൗണ്ടേഷന് സ്ഥാപക ലേക് ചായ്ലേര്ട്ട് പറയുന്നു.
തിക്കിരിയെ അണിയിക്കുന്ന വേഷങ്ങള് ആനയുടെ ദയനീയ അവസ്ഥ വെളിയില് കാണിക്കില്ലെന്നും ചായ്ലേര്ട്ട് പറയുന്നു. വിറയ്ക്കുന്ന ചുവടുകളാണ് ആന വയ്ക്കുന്നതെന്നും ചായ്ലേര്ട്ട് വ്യക്തമാക്കി. എന്നാല് തായ്ലേര്ട്ടിന്റെ ആരോപണങ്ങള് തള്ളിയ ബുദ്ധക്ഷേത്രം തിക്കിരിയ്ക്ക് ഡോക്ടറുടെ സേവനം ലഭ്യമാക്കിയിട്ടുണ്ടെന്നാണ് അവകാശപ്പെടുന്നത്.
Discussion about this post