2019 ലെ ലോകകപ്പിൽ ലീഗ് മത്സരത്തിൽ ബംഗ്ലാദേശിനെ നേരിടുന്നത് കാണാൻ 87 കാരിയായ ഒരു ആരാധിക വന്നിരുന്നത് ഓർമയില്ലേ. ക്രിക്കറ്റ് ആരാധകരുടെ മുഴുവൻ ശ്രദ്ധ പിടിച്ചുപറ്റിയ 87കാരിയായ ചാരുലത പട്ടേൽ ഇഞ്ഞി ഓർമകളിൽ മാത്രം.
അനുശോചനം രേഖപ്പെടുത്തി ചാരുലത പട്ടേലിന്റെ മരണവാർത്ത ബോർഡ് ഓഫ് ക്രിക്കറ്റ് കൺട്രോൾ ബോർഡ് (ബിസിസിഐ) ട്വിറ്ററിലൂടെ പങ്കുവെച്ചിരുന്നു.”ടീം ഇന്ത്യയുടെ സൂപ്പർഫാൻ ചാരുലത പട്ടേൽ ജി എല്ലായ്പ്പോഴും ഞങ്ങളുടെ ഹൃദയത്തിൽ നിലനിൽക്കും, കളിയോടുള്ള അവരുടെ അഭിനിവേശം ഞങ്ങളെ പ്രചോദിപ്പിക്കും.” എന്ന് ബിസിസിഐ ട്വിറ്ററിൽ കുറിച്ചു.
#TeamIndia‘s Superfan Charulata Patel ji will always remain in our hearts and her passion for the game will keep motivating us.
May her soul rest in peace pic.twitter.com/WUTQPWCpJR
— BCCI (@BCCI) January 16, 2020
ഇന്ത്യൻ ടീം ഓപ്പണിംഗ് ബാറ്റ്സ്മാൻ ശിഖർ ധവാൻ ബിസിസിഐയുടെ പോസ്റ്റ് റീട്വീറ്റ് ചെയ്തുകൊണ്ട് ടീം ഇന്ത്യയുടെ സൂപ്പർ ഫാൻ ചാരുലത പട്ടേലിന് ആദരാഞ്ജലി അർപ്പിച്ചു. “ആർഐപി ചാരുലത പട്ടേൽ ജി. കളിയോടുള്ള നിങ്ങളുടെ അഭിനിവേശം എല്ലായ്പ്പോഴും ഓർക്കും. നിരുപാധികമായ സ്നേഹത്തിനും പിന്തുണയ്ക്കും നന്ദി,” ശിഖർ ധവാൻ ട്വീറ്റ് ചെയ്തു.
RIP Charulata Patel Ji 🙏.. Will always remember your passion for the game. Thank you for your unconditional love and support. ❤ https://t.co/cagXV0ghW4
— Shikhar Dhawan (@SDhawan25) January 16, 2020
ചാരുലത പട്ടേലിനെ കണ്ട ശേഷം വിരാട് കോഹ്ലി സൂപ്പർ ആരാധികക്കായി നേരത്തെ ഒരു പ്രത്യേക സന്ദേശം എഴുതിയിരുന്നു. “പ്രിയ ചരുലത ജി, ഞങ്ങളുടെ ടീമിനോടുള്ള നിങ്ങളുടെ സ്നേഹവും അഭിനിവേശവും കാണുന്നത് വളരെ പ്രചോദനകരമാണ്, നിങ്ങളുടെ കുടുംബത്തോടൊപ്പം ഗെയിമുകൾ നിങ്ങൾ ആസ്വദിക്കുമെന്ന് ഞാൻ പ്രതീക്ഷിക്കുന്നു,” പിന്നീട്, ഇന്ത്യൻ ക്യാപ്റ്റൻ ട്വിറ്ററിൽ ചാരുലത പട്ടേലിനെ “വികാരഭരിതയും സമർപ്പിതയുമായ ഒരു ആരാധിക” എന്ന് വിളിച്ചിരുന്നു.
“ഞങ്ങളുടെ എല്ലാ ആരാധകർക്കും എല്ലാ സ്നേഹത്തിനും പിന്തുണയ്ക്കും പ്രത്യേകിച്ച് ചാരുലത പട്ടേൽ ജിയ്ക്കും നന്ദി പറയാൻ ആഗ്രഹിക്കുന്നു. അവർ 87 ഉം ഒരുപക്ഷേ ഞാൻ കണ്ടിട്ടുള്ളതിൽ വച്ച് ഏറ്റവും ആവേശവും സമർപ്പിതവുമായ ആരാധകരിൽ ഒരാളാണ്. പ്രായം ഒരു സംഖ്യ മാത്രമാണ്, അവരുടെ അനുഗ്രഹത്താൽ അടുത്തതിലേക്ക്, ”കോഹ്ലി ട്വീറ്റ് ചെയ്തു.
The day she won billion of hearts..RIP pic.twitter.com/vOCqz2nc29
— Satyam Singh (@MyFreakyTweets) January 16, 2020
ANI യോട് സംസാരിക്കവെ കഴിഞ്ഞ നിരവധി പതിറ്റാണ്ടുകളായി താൻ ക്രിക്കറ്റ് കാണുന്നുണ്ടെന്ന് ചാരുലത പട്ടേൽ പറഞ്ഞിരുന്നു. 1983 ൽ കപിൽ ദേവിന്റെ നേതൃത്വത്തിൽ ഇന്ത്യ ആദ്യമായി ലോകകപ്പ് നേടിയപ്പോൾ താൻ അവിടെയുണ്ടെന്നും അവർ കൂട്ടിച്ചേർത്തു. മരണവർത്തയെ തുടർന്ന് നിരവധി പേരാണ് ഈ ആരാധികയുടെ ചിത്രങ്ങൾ പങ്കുവെച്ചുകൊണ്ട് ട്വിറ്ററിൽ ആദരാഞ്ജലികൾ നേർന്നത്.
Discussion about this post